Search
  • Coral Academy

公民科學家計劃:珊瑚拯救小隊


「珊瑚拯救小隊」2021完滿結束!


經過一個充實嘅夏天,珊瑚拯救小隊終於喺短短5個月期間完成左兩個工作坊同埋五次出海做監察同調查,收獲滿滿咁正式畢業,真係好唔捨得!多得咁多位公民科學家幫手,我哋得到好多唔同調查點嘅基質、長刺海膽侵蝕以及珊瑚健康嘅基線數據。經團隊分析後,暫時發現到某部分本地珊瑚群落退化嘅狀況有緩和跡象!喺呢5個月期間,小隊拯救左唔少脆弱或瀕死的珊瑚碎塊,而移植到育養平台上嘅40塊珊瑚碎塊都健康成長,期待不久嘅將來我地將佢地固定到海床。潛水員們唔單止親自體驗左珊瑚修復工作,仲識左好多志同道合嘅潛友,等我地一齊睇下小隊完成任務後有咩心得同埋活動嘅花絮照片啦!


珊瑚學院再次多謝Swire Trust的贊助及WWF-HK的合作,令團隊的科研得以轉化成公民科學家計劃,使公眾可以參與其中。希望將來可以希更多新搞作俾大家參加!海上見!



參加者的分享:


體驗研究工作的細微和重覆,明白其可貴之處。
呢個programme俾我地親身感受、親自睇住啲珊瑚大,為佢憂風憂雨憂氣溫,令我每次掉膠樽膠袋前都會諗諗自己海底入面助養左嘅珊瑚「囝」…
除左學到珊瑚嘅知識,亦學到珊瑚普查嘅技巧,最緊要嘅當然係同身邊嘅人分享環保訊息,包括我校嘅學生
每個潛水員都應該有義務和責任保育海洋生態
多謝你哋對參加者嘅信任,令到我哋真係可以落手落腳咁去參與,對參加者嚟講係一個非常有ownership嘅活動
重新返到赤洲,見到大家助養嘅珊瑚實實在在咁係海洋入面生長緊。有算有其他生物痴咗係上面「阻住咗」,又或者冇乜長大到,都好開心見到佢哋有第二次機會係海洋生活。
在中大及水底為珊瑚bb清潔及去除藻裡,很有實感珊瑚是需要呵護及悉心照顧的小動物。
希望學習後自己有更多能力,日後再為海洋保育出力
活動讓我獲益不少,也有反思自己作為潛水員可以貢獻保育的地方
計劃後讓我了解到,所有人都是有能力幫助及拯救珊瑚的。我們先要有對珊瑚生理的正確認識,才了解到珊瑚分別堅強和脆弱的一面。繼而要做好自己,注意水上活動時不要破壞到珊瑚。再做多一點就是主動地拯救珊瑚,例如簡單地於每次休閒潛水時,協助反轉了的珊瑚碎塊面向水面,或將碎塊置於研究人員的coral table上,已經可以用盡綿力使珊瑚多一次重生機會。

主辦機構:

1. 香港中文大學生命科學學院

項目負責人 崔佩怡 (Apple)

香港中文大學生命科學學院研究助理教授

2. 世界自然基金會香港分會


贊助機構:Swire Trust




40 views

Recent Posts

See All