Search
  • Coral Academy

星星局長助養珊瑚!


早排星星局長(環境局黃錦星局長)黎左我哋嘅珊瑚復育基地(香港中文大學李福善海洋科學研究中心)依到助養珊瑚碎塊同珊瑚BB!局長連同中大校長段崇智教授及副校長吳樹培先生,一齊幫手為佢哋助養嘅珊瑚索上有編號嘅標籤並寫低左佢哋對珊瑚嘅祝願!遲吓當依啲珊瑚被放返出野外後,依啲標籤就會幫研究團隊係野外定期監察同記錄返佢哋嘅狀況,所以係極其重要架!

.

講開又講,大家知唔知道依啲珊瑚碎磈同BB點黎嘅呢?原來香港嘅珊瑚周不時因為唔同原因,例如因為天氣、大浪、長刺海膽嘅侵蝕,有時甚至可能係因新手潛水員唔小心踢到都唔定等等,而變成碎塊掉喺海床上面架!依啲碎塊喺野外無左固定嘅地基,就會好容易比海浪沖走、變得脆弱甚至死亡。我哋嘅研究團隊就會定時收集依啲碎塊返黎復育基地,比個地基同良好環境佢地休養生息變返強壯。

.

至於珊瑚BB呢,叫得做BB嘅佢地真係喺我哋嘅復育基地透過有性繁殖(Sexual reproduction)出世架!任何動物喺BB嘅階段都係最脆弱嘅,但復育基地就可以比個受保護嘅環境佢地避開危險長大同變強壯,咁遲吓佢返返去野外果時嘅存活機會自然會提高啦!

.

所以話,真係好多謝星星局長、校長同副校今次助養珊瑚,幫手復育香港嘅珊瑚生態!



.

再細細聲補充一下,之前提過同 漁農自然護理署合辦嘅「育養珊瑚校園計劃」嘅參加學校,佢哋育養緊嘅珊瑚來源都同以上講嘅一樣架!

.

#所以大家都有份幫手復育香港嘅珊瑚生態架

#希望啲珊瑚好似三位嘅祝願咁快高長大朝氣勃勃令海洋健康

.

.

Let's explore our amazing underwater life of Hong Kong!

---------------------------------------

We LEARN . We LOVE . We CONSERVE

---------------------------------------

#珊瑚學院 #CoralAcademy #石珊瑚 #珊瑚復育 #coralrestoration #coralconservation #coral #CUHK #星星局長


50 views