我哋 珊瑚學院 Coral Academy 好榮幸受到 #香港貿發局 邀請，喺2022年12 月 17嘅 #國際環保博覽 公眾日舉辦 #VR海底漫遊工作坊，用VR眼鏡帶大家一齊潛入海底發掘香港嘅珊瑚群落，仲化身生態調查員體驗我哋嘅工作，大家都參與得相當投入
.
主辦單位同時提供免費 #攤位展覽 畀我哋進行咗珊瑚學院的首次攤位展覽，等我哋可以介紹團隊嘅研究同修復工作畀公眾認識 ，當日我哋展出咗各種石珊瑚嘅標本、相片等，亦解答咗好多大家對於珊瑚習性、相關修復工作嘅問題，全日嘅活動接觸咗近百位受眾，見到咁多位可以帶住同珊瑚有關嘅知識滿載而歸，我哋真係非常開心
.
當日我哋都把握機會同在場唔同嘅展覽單位互相交流，包括致力減少海洋塑膠污染嘅 A Plastic Ocean Foundation ，及 Diving Adventure 的海洋垃圾展。佢哋以真實收集嘅海洋垃圾，展示出人為污染嘅嚴重程度同破壞性，其實喺生態系統入面，每個部分都環環相扣，要集合各方嘅參與先可以更好咁保護環境，我哋好高興可以喺今次展覽認識咗咁多為海洋、環境出一份力嘅同路人，亦都令第一次設展嘅我哋獲益不少
.
我哋之後都會繼續透過唔同渠道舉辦外展活動，唔想錯過我哋嘅資訊，就記得留意我哋嘅社交平台，期待喺下次嘅活動見到你
.
.
.
Let's explore our amazing underwater life of Hong Kong!
---------------------------------------
We LEARN . We LOVE . We CONSERVE
---------------------------------------
.